Dard-e-Mushtarik

Tumhain daikhaa nahi
Jana nahi
Phir bhi ye lagtaa hai

Qabeela aik hai apnaa!!!!!

Wohi dard-e-judai hai
Wahi bheegi hui palkain

Naseeba aik hai apna!!!

Kisi se kuch nahi kehnaa
Koi shikwaa nahi karnaa

Qarenaa aik hai apnaa!!

Kisi ki yaad se
Weran-i-dil jagmaga lainaa

Khazeena aik hai apnaa!!

Yaqeen ki akhri had tak
Milan ki khushgumani hai

Nateeja aik hai apnaa...!!!

Dard Phail Jae To….

Aik waqt aata hay
Dil dharakta rehta hay
Aarzu gazeedon kay, hoslay nahin chaltay
Dasht-e-bey yaqeeni mein
Aasray nahin chaltay
Reh rawon ke aankhon mein
Manzilain na jab tak hon
Qaflay nahin chaltay
Ik zara tawajjah sey, dekhiye to khulta hay
Loag un pey chaltay hain
Raastay nahin chaltay
Sochnay,samajhnay sey
Saath saath chalnay sey
Dooriyan simat te hain
Faslay,nahin chaltay
Bakht saath chalta hay
Tala’a aazmaon kay
Waqt raam kernay mein
Tajzeyon kay dao kia!!
Tajrubay nahin chaltay
Ishq kay elaqay mein, hukm-e-yaar chalta hay
Zaabtay nahin chaltay
Husn ki aadalat mein
Aajizi to chalti hay
Martabay nahin chaltay
dOsti kay rishton ke
perwarish zaroori hay
silsilay ta’alluq kay
khud sey ban to jatay hain
lekin………..
in shagufon ko tootnay, bikhernay sey
rokna bhe perta hay
chahaton ke mitti mein
aarzoo kay podon ko ,seenchna bhe perta hay
ranjishon ke baton ko,bhoolna bhe perta hay….!!!

POOCHANEY WALEY

TUJHE KAISEY BATAIEN AAKHIR ?

DUKH EBARAT TU NAHIN JO TUJHE LIKH KAR BHAJEIN
YE KAHANI BHI NAHIN HAI KE SUNAYEIN TUJH KO
NA KOI BAAT HI AISI KE BATAEIN TUJH KO

ZAKHAM HO TU TERE NAKHUN KE HAWALEY KAR DEIN
AAINA BHI NAHIN HAI KE DIKHAYEIN TUJH KO

TU NE POOCHA HAI MAGAR KAISEY BATAIEN TUJH KO
YE KOI RAAZ NAHIN , JIS KO CHUPAYEN TU WO RAAZ

KABHI CHEHRE , KABHI AANKHON SE CHALAK JATA HAI
JAISEY AANCHAL KO SANBHALEY KOI , AUR TEZ HAWA

JAB BHI CHALTI HAI TU SHANOON SE DHALAK JATA HAI
AB TUJHEY KAISEY BATAYEN KE HAMEIN KAYA DUKH HAI ?

JISM MEIN REENGATI HAI MUSAFIT KI THAKAN
PHIR BHI KANDHON PE UTHAEY HUEY HALAT KA BHOJ

APNE QADMON SE HATATE HUEY SAYA APNA
JIS KO BHI DEKHIYE WO CHUP CHAP CHALA JATA HAI

KABHI KHUD SE KABHI RASTON SE ULJHATA HAI MAGAR
JANEY WALA KISI AWAZ PE RUKATA HI NAHIN

DHOONDTA HAI NAYA PERAYA - E - IZHAAR HAMEIN
ISTA-AROON KI ZUBAN KOI SAMJHATA HI NAHIN

TU SAMJHTA HAI KE KHUSHBOO SE MUATAR HAI HAYAT
TU NE CHAKHA HI NAHIN ZEHAR KISI MAUSAM KA

TUJH PE GUZRA HI NAHIN RAQS - E - JANOON KA ALAM
AISA AALAM , JAHAN SADIYUN KE TAHYEIRKA NASHA

HAR BICHADTI HUI SA-AT SE GALEY MILTA HAI
IS TAMASHEY KA B ZAHIR TU NAHIN KOI SABAB

SIRF MEHSOOS KARO GE TU PATA CHALTA HAI


BE - KHABAR REHNA KISI BAAT SE ACHA HI NAHIN
TU KABHI WAQAT KI DEHLEEZ PE THEHRA HI NAHIN

TU NE DEKHEY HI NAHIN HALQA - E - AMROZ KE RANG
GARMI - E - WADA - E - FARDA SE PIGHALTEY HUE LOOG

APNEY HI KHAWAB KI TABEER MEIN JALTEY HUEY LOOG
AMAN KE NAAM PE BAROOD BHARI DUNIYA MEIN

ROOZ JEETEY HUEY ROOZ HI MARTEY HUEY LOOG
ZINDAGI FILM NAHIN HAI KE DIKHAYEIN TUJH KO

TU NE POOCHA HAI MAGAR KAIsE BATAEIN TUJH KO ?

POOCHANEY WALEY

TUJHEY KAISEY BATAEIN AAKHIR ?
DUKH EBAARAT TU NAHIN HAI JO LIKH KAR BHEJEIN

DUKH TU MEHSOOS HUA KARTA HAI
CHAHEY TERA HO KE MERA DUKH HO

AADMI WO HAI JISEY JEETEY JI
SIRF APNA HI NAHIN SAB KA DUKH HO

AASMAN MERI ZAMEENON PE JHUKA TU HAI LAKIN
TERA AUR MERA SITARA HI NAHIN MILTA HAI..!!!

aik tery rooth jany se
kisi ko kuch nahi hota
phool b mehkty hain
rang b damakty hain
sooraj b nikalta hay
taray b chamakty hain
laikan itna zaror hota hay
aik tery rooth jany se
koi...
hansna bhool jata hay
koi...
jeena bhool jata hay!!!

Tu khud ko tanha kahta hai.>?????????
ye dekh tere janay ke baad
kon kon TANHA hai
Hawa
ghata
barish
dhoop
pathar
phool
raat
subh
sahra
samandar
sub tanha hain
tu khud ko tanha kahta hai??
dekh tere janay k baad
sub tanha hain...
EK MERE SIWA... !!!!!

Tanhai
Her rooz Subhu Uthti Hoon
Dua Mangti Hoon
Tujh Se Milny Ki
Aur Tanhai Se Bicherny Ki
Lakin Na Jany Kya Baat Hai
Meri Duaain be Aser Hain
Ya Main
Jisey Kisi Ne Chaha Hi Nahi
Tanhai Mujh Per Ashiq Ho Gai Hai
Keh Tuu Mujhe Milta Nahi
Aur Tanhai Mujh Se Bicherti nahi...!!

Tu kehta tha tery jany k ba'ad koi udas nahi ho ga.

ye dekh tere janay ke baad

kon kon UDAS hai

Hawa

ghata

barish

dhoop

pathar

phool

raat

subh

sahra

samandar

sub udas hain

dekh tere janay k baad

sub udas hain...

laikan ye sub apni udasi

bhool jaty hain jab…

MUJY UDAS DEKHTY HAIN !!!!!